The Big Brother Naija 2017 Top 5 and other people wey don comot na him dem invite come the show for Warri, Delta State. Na all of them show for the same time expect Thin Tall Tony wey later show. As he climb stage na hin Helen Paul sef call Bisola say make she climb stage too and with jokes Helen Paul tell dem say make dem hug each other, as she advise dem say make forget all the drama wey happen befrore before.
As we remember say Bisola and Tony dey close for BBN house that time. Tony no tell Bisola say he don marry and he don get pikin, for Bisola mind she be dey think say Tony dey single and the bobo won mingle. Na when Tony comot for the house na hin she con know say the guy don get he own family.